♥SMALL HAUL♥ THE BODY SHOP & YVES ROCHER ♥♥ 'PRETTY' مشترياتي من بودي شوب وايف روشيه ♥!

سلام عليكم

اخباركم ان شاء الله بخير البوست حق اليوم راح يكون SMALL HAUL"" مشتريات

انا اشتريت هذي الاغراض من شهر بس للحين لسه ما استخدمت نصها

طيب خلونا نبدا مع The body shop ♥

زبده الجسم Ginger sparkle

ترطيبها حلو هم كاتبين انو الترطيب يكون 24ساعة بس انا جربته لحد 12ساعة

الي يشوفه يقول رحته بسكويت كوكيز بس لا (المزاهر خداعه ياقماعه)

هو بزبده الشيا وجذور الزنجبيل رحتة زي حلاوة بيبسي حقت زمان !

عجبتني وباين اني استخدمتها كثير J

سعرها 69ريال

زبده الجسم Cranberry joy

هذي ريحتها من روائح الفواكه وكذا ترطيبها اطول من ترطيب الي قبلها وحتى

اذا خلاص امتصتها البشرة تظل في لمعة حلوة في البشرة

بالكرنبيري جوي وزبده الشيا J♥

69سعرها ريال

مجموعة Natrulift شنطه صغيرة

مجموعة بالكولجين معالجة للبشرة اخذت اثنين في كل وحدة في اربع اشياء : 

  : Toner.1     rالسائل الشفاف الي على اسفل اليسار مرطب ومنعم جدا جميل بينظف الوجة

وينفع ماتغسلية وانا احيانا استعملة قبل المكياج ويديني بشرة صافية شكلاً وملمساً .

   

2.كريم منظف: ريحتو حلوة وشوية منة يغطي الوجة كله اقتصادي يعني.

  

3.كريم الليل :بعد ماتسوو الخطوتين الي فوق تحطي الكريم حق الليل *على كلام البائعة

   

4.كريم نهار : رحته ريحه ما اقدر اقول عنها حلوة -_- بس زي ماقلت حتى هاذا

       لازم الخطوتين الي فوق J

سعر المجموعة الوحدة 72 ريال

الحين نروح للشيئين الي اشتريتهم من Yves rocher♥♥

اول شي المحل انا مرة حبيتو ما شاء الله مرة نظيف والمنتجات ترتيبها حلو

والي حلو كمان ان كل منتجاتهم عضوية والعاملات مره ذوق واسلوبهم جميل جدا

المحل من الاخير  10\10♥♥

اول شي انا كنت ابغا مزيل مكياج بما انو حقي خلص فا سئالت البائعة وقالتلي

   انو هذا مرة كويس وان هم بيزيلو به السواتشات > جمعتهم صح ؟!

   وتحمست علية وموضوع انو مافي كمويات في منتجاتهم طمني

   واشتريناه لمكياج الوجه ممتاز بس مكياج العيون لاتفكري

   ويمديني استعمل عادي مولازم اكون حاطة مكياج

بالبابونج وريحتة بابونج وكانها رحة خوخ مشمش مدري D:

2في1 وسعره 29ريال

اخر شي هاذا مزيل رائحة العرق مو مزل عرق لان مزيل العرق

سمعت انه من مسببات السرطان * الله يحمينا

جميل للبشرة الحساسة وما يسبب سواد للمنطقة J

سعرة 19ريال !!

بس وبكذا مشترياتي خلصت لاتنسو تكتبو تعليق واذا جربيتي أي

شي من الاشياء الي اشتريتها شاركينا رائيك فيها J ايوه شكرا على وقتكم 

Don't forget to be always pretty

Bay bay xxx

Wath's in my bag & make up bag ايش في شنطتي وشنطة المكياج "Pretty"

سلام عليكم

قررت اسوي اول بوست لي الي هو (Wath's in my bag) يعني ايش في شنطتي سبحان الله هذي اول شنطة

ماكان فيها شي بمسمى "يمكن احتاجه "  حطيت الاشياء الي احتاجها واستخدمها وانا متاكدة من كذا  طيب خلونا نبدا

اول شي صورة جماعية ^^

زي ما انتو شايفين عشان الشنطة صغيرة حطيت فيها اشياء مهمه لاكثر ولا اقل

شنطتي من الاندلوس مول ماركزت في اسم المحل بس اتوقع في الدور الاول

حطيت الشاحن والسماعات لاني احياناً اكون برا البيت لفترات طويلة فاحتاج اني اشحن جوالي

*كذا جوال انسرق وضاع وهو طافي

عشان كذا شاحني دايم معي

والسماعات عشان اذا حبيت اسمع شي ومابغا ازعج الي حولي

 

الهاند بالم المفضل عندي الي اسمه برايد "Bride"  من نكتار

ترطيبة عالي جدا ويخلي يدك مترطبة لفترة طويلة بدون مايلزق او تحسينه ثقيل وريحته مرة خفيفة وحلوة مرة احسها كانها دارك شوكلت

بس من جد يجنن  مع اني ما احب ريحة الشوكلت بس حبيت هاذا مرة عن نفسي قعدت فترة حتى استوعبت ان ريحتة شوكلت المهم مرة احبه

وعيب علي اذا ما خليته في شنطتي

العطر اسمه "Only millionaire" هو اصلا تقليد لعطر اسمه "Joop!"

عطر جوب ثباته قوي وما احسة ينفع لاي وقت عشان كذا احط منه بس فوقت المناسبات والعزايم

طيب انا احب ريحته مرة ايش اسوي فكرت وفكرت وقررت اخذ اونلي مليونير لانة نفس ريحة الجوب

بس ما تثبت بنفس ثبات جوب رحته تخف مرة بعد ساعة بالكثير فقررت اخلي هاذا للطلعات والمشاوير البسيطة

بس لا يزال جوب في القمة استعملة لدرجة اني خلصه الحين وبرجع اشتري قريب انشاء الله

    ^على فكرة امي كانت تستعمل عطر جوب لما كانت في العشرينات من عمرها وللحين تستعمله

سعرو تقريبا 100 مو متاكدة والله

واكيد الميك اب باق اذا بعدل مكياجي او شي زي كذا

الشنطه من بودي شوب جاتني مع مجموعة وعجبني شكلها وحجمها فقررت اخليها شنطة المكياج حقتي

خلوني اوركم وش احط جواها

اول شي واهم شي هو البيبي كريم بس عشان انا التي زون حقتي دهنية

*اقصد بالـT زون الجبها والخشم والدقن

عشان كذا بعد ما اوزعو باصابعي اربت على وجهي بالاسفنجة للاسف نسيت اصورها

تسحب اللمعه وتديك لوك حلو ومرتب وطبيعي قدر الامكان

ثاني شي بودرة "Arcancil paris" هذي البودرة تجنن مره احبها احس لو اتكلمت من اليوم لحد بكرة ما اوفيها حقها

هي اصلا تنباع في فرنسا بس انا اشتريتها محل يجيب منتجات من برا

بس هذا الرابط حق الموقع :

http://www.arcancil.com/en/poudres/47-vip-bronze-.html

هي فيها قسمين قسم برونز مات وقسم افتح وفيه شمر يعني اقل من القلتر ومرة

خفيف حتى مايبان فمرة حلو كابلشر احيانا او حتى اضائه

والفرشة عشان اوزع الودرة بها 

حطيت ثلاثة ارواج في الشنطة حقتي عشان انا ما ادري اذا حايكون ليل اونهار الوقت الي حاتمكيج فيه

عشان كذا خليت عندي اكثر من خيار:

1ـ روج للنهار من السوق عادي جدا ثباتة متوسط وفية جزا ثابت وثباتة بين المتوسط والقوي يعجبني

لانو يديكي بيبي لوك ومرة حلو والنوع هاذا ايناسب السمر والبيض ويمديك

تحطي اكثر منطبقة وفي كل مرة يديكي درجة مختلفة شوي عن الي قبلها

2ـ هاذا الروج عشق ايش اقول وايش اخلي احمر لليل لونة مرة حلو احسة يحدد الشفايف موبس روج

جميل جدا ثباتة ممتاز وهو مات بس مرة جميل  يديك لوك انيق بدون تكلف

ومن طبقة وحدة يبان عندك اللون من يوم ما اشتريتو انا مدمنة عليه

اسمه "PASTEEL"  درجته 15

3ـ طبعا وبكل تاكيد الروج السحري احسه من جد سحري ينفع ليل نهار بيضا سمرة

احسة مناسب مع كل شي كفاية ان جدتي وجدتك كانو يستعملوه

مرة احبة بس الي مايعجبني اللمعة الي فية

انا مرة ما احب وجهي يلمع عشان كذا احط منة قبل ما ابدا ميك اب

عشان يثبت اللون وبعدين اطبطب بمنديل على شفايفي

وتروح المعة وياسلام سلام ^^

الحين صور للسواتش حق الارواج

انا اهم شي عندي هو الاي لاينر وزمان كنت استخدم الايلاينر السائل بس كان مرة صعب بالنسبة لي

فا الجيل لاينر مرة خطير اذا انتي مبتادئة استعملية انا استعملة بالفرشة الي بالصورة

مرة جميلة زمان كنت استعملها للكونسيلر بس احسها مناسبة للجللينر اكثر

وكمان اخذت بالت او مجموعة أي شادو يا الله ما اقر اقولكم قد ايش حبيتها

اللون يبان علطول حتى مايحتاج برايمر في درجات الرونزي راح احط صورة للالوان تحت

الوانو جميلة تنفع للمساء وللليل البالت اذا اخذتة من نفس المحل الي اخذت منو البودرة

صناعنة اسبانية وعندي بودرة من نفس الماركة كمان بس ما استعملها كثير لان تغطيتها

ثقيلة وتناسب الزواجات والعزايم الكبيرة .

  *الالون نفسها على الطبيعة ما حطيت تاثيرات على الصورة

وكمان المسكرة ما اتخيل شكلي بدونها هذي المسكرة صناعتها بريطانية

الشي الي حلو فيها هو فرشتها اور ريشتها مصنوعة من السلكون

وتوزع المسكرة نفسها بشكل مرة جميل

احيانا لما يكون شكلي باهت وتعبان وانا رايحه المدرسة احط شوي منها

واحط مرطب وياسلام

تطول الرموش بشكل طبيعي وما تكتل  وسوادها حلو وماتلمع

اخذتها من نفس المحل حق البودرة والبالت

والعكافه احسها مهمه لاني اكرة احساس انو رموشي طايحة او مو مرتبة <اتوقع فهمتو

هذا قلم رسم حواجب لونة اسود بس مو سواد قوي مرة يعني لونة حلو ويرسم بشكل جميل جدا

كمان هو من نفس المحل الي ناسيه اسمه حق البودرة والبالت والمسكرة <هههههههه^^

مع اني ما ارسم حواجبي كثير بس احيانا احتاج اعبي فراغات تكون موجودة .

اليوه صح جوالي هو اهم شي في شنطتي  :)!!

وبكذا خلصت اول تدوينة لي اتمنى تنال اعجابكم واذا عجبتكم اشتركو في مدونتي

وراح يكون لي قريب قناه على يوتيوب اذا عندكم أي اسئله انا موجودة

Don't forget to be always pretty

Bay bay xxx